CHEWIN' THE KBs - RUCHAZIE RAPPERS

RUCHAZIE RAP

AS PART OF THE GLASGOW EAST END YOUNG OFFENDERS COMMUNITY SERVICE PROGRAMME (OR G.E.E.Y.O.C.P. FOR SHORT), B&B, DUFF HADDY & SWEET E. RAPPER, HAVE BEEN ORDERED TO EMPLOY THEIR DEBATABLE TALENTS OF GLASGA’ RAP, FOR THE BENEFIT OF THE UNFORTUNATE LOCAL COMMUNITY…

B&B
Hear me oot ah’m singin’
Your mince, ah’m mingin’
The sweat’s lashin’ aff me
An’ ma Y’s are wringin’
Ah cannae draw a breath
An’ ma eyes are stingin’
Ah’m walkin’ up an’ doon
Like ah’m no’ the full shilling

Geez a drink fae yer sink
Ah need a skoosh o’ watter
Ah’ve an awffy drooth in ma mooth
Cos ah’ve been oan the batter
It’s a fuckin’ crime
Ah hivnae time
Tae staun’ aroon’ an’ natter
Bu ah’ll tell ye wance
Yiv hid the chance
Tae hear his magic patter…

ENTER DUFF HADDY

DUFF HADDY
Ma name’s Duff Haddy an’ ah’m fae the Garngaddy
Ah sometimes lose the place an’ ah hiv tae take a maddy
Ah’ve been aff ma heid since ah wiz jist a wee laddie
Ma shrink has traced it back tae me when ma mammy left ma daddy

DUFF’S KREW
See the weans in the school they knew he used tae brick it
They’d always kid because he hid a special dinner ticket
They’d put a jobby oan a stick an’ force him then tae lick it
He suffered long and hard until he snapped an’ said right ‘fuck it’

DUFF HADDY
Ah’m first oot the traps tae take a flyin’ flakey
Ah gied ma da’ the malky cos he looked a total jakey
Ah damaged a’ ma haun an’ noo it’s left it bruised and shakey
Ah move it a’ the time noo jist tae stop it gettin’ achey

DUFF’S KREW
Noo duff is the man who rules by total fear
You’d piss yer pants by any chance if you knocked o’er his beer
He’s a victim o’ the system but before you shed a tear
He’s a grant supported rapper who’s on 50k a year

DUFF HADDY
Ma name’s Duff Haddy comin’ fae the Garngaddy
Ah sometimes lose the place an’ ah hiv tae take a maddy
The lot o’ youse are keysie cos ah’m no a total baddie
It’s the end o’ the rap an’ ah’m burstin’ fur the lavvy…

ENTER SWEET E. RAPPER

SWEET E. RAPPER
Haunds up! Staun up! Tae the music in yer napper
Your gantin’ when your pantin’ unless you're in the crapper
When yer heid is really buzzin’
An’ it’s goin’ like the clapper
The only way
Tae listen tae
The words of Sweet E. Rapper

Haunds up! Staun up! Yer deid when yer sittin’
Yer groovin’ when yer movin’ an’ the beat is really hittin’
When yer bum is making buttons
An’ yer feet are oan a flittin’
An’ in between
Yer fulla beans
You know yer really bitten

Haunds up! Staun up! Yer deid if you no clappin’
Your puffin’ daein’ nothin’ it’s me that’s daein’ the rappin’
If ah see you lookin’ glaikit
Then you’re gonnae get a slappin’
Don’t fuckin’ wait
Participate
An’ make the party happen

SWEET E. RAPPER, DUFF HADDY AND B&B (TOGETHER)
Haunds up! Staun up! Yer deid when yer quiet
Yer cookin’ when yer hoochin’ and yer lookin’ fur a riot
When the place is like a geggy
An’ ye feel ye waant tae buy it
The rhythm’s rife
It’s fulla life
Ye waant tae fuckin’ try it!